موزیک زردیس

لالای لای لای عزیزوم؛ لالای دار و ندارم

خدا خیرش نده هر کی کرد ای درد و بارم!

لا لای شیرین زوونم؛ خدا دردت و جونم!

و زندت ری نداشتم؛ بل سر مردت بخونم

لالای زندیم عذابه… لالای کی چی ربابه…

لالای لای هر کی دی؛ داغِ بچش حونش خرابه!

لالای سهتم بلالوم! لالای اشکه سه بالوم…

دلم خش بی تو ایمونی؛ ایابی مرد مالوم

لالای لای رودم هی په چه؛ بلی بی سرم آوردی

لالای لای لای عزیزم؛ رهتی و نونی چه وم کردی

و روز هیچ مسلمونی؛ نیایه حال و روز مو

ک بردم ایپکه ار بشنفه ای اه و سوز مو…

خدایا سیم بیومه؛ همه ی دردت عزیزوم!

خدایا سیم بیومه؛ رنگ و ری زردت عزیزم!

سر ره مرگت ای دا؛ خدایا اینشسوم…

لالای لای سیم بیومه؛ ای خدا مرگت عزیزم!

وری حونم امیدم؛ و زندیم ناامیدم…

وری بعدت و زندی روز خش دیدم ندیدم

وری روی بی زوونم! وری روی رهته جونم!

مو بعدت زنده ویسوم نیترم نه نیکشونم…